لكل بنت مخنوقة من اخوها

لاى بنت مقهوره

وعايزه تنتقم من اخوها

وترفع ضغطه

**لو فيه مباراه فى التلفزيون**


لو فيه مباراه والاخ متحمس اقطعى الحماس ده
ازاى

انا اقلك
استنى لحد ما يندمج اوى مع المباراه
وهتعرفى انه اندمج لما تلاقى عينيه مفتوحين اوى
الااااااااخر ومش همه حد يعنى ممكن تجيبى صاروخ تفجريه
جنبه ولا يلتفت

هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله انا مش فاضيالك انا بنضف وبمسح
وبعدين روحى جيبى المكنسه واكنسى المكان اللى هو فيه وحاولى كل شويه تكنسى قدام التلفزيون
يعنى ولا صوت ولا صوره
وغطى عليه ولا يهمك
ولو قال ابعدىوحسيتى انه هيحدفك بحاجه
قولى يعنى اسيب البيت كده والضيوف جايين فى السكه

وبعد كده اعملى انك نسيتى الكيك فى الفرن
ودوسى على رجليه وما تبصيش وراكى

**عند النوم**
لما تحسى انه دخل فى النوم وسمعتيه يشخر
هاتى اى طفل يقابلك ابن اختك او اخوكى الصغيرين
ابن الجيران ان شاء الله ابن البواب
ودخليه يلعب فى اوضته فوق راسه
وقوليله الاطفال احباب الله

او تعالى وهو فى سابع نومه وارجفيه
الرجفه اللى يصحى مايحسش
بنفسه الا وهو قاعد
وبكل برود قولى(عايزين نخرج)

ولو شفتيه رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هتحتاجيه
واضحكى على شعره وقعدته وهدومه
واذا قال ابعدى علشان انا مش رايق
زودى العيار حبتين
ولو حسيتى باى غدر
استعملى مفتاح اوضتك واقفلى على نفسك

**وقت المعركه**
ولو طقت فى دماغك وحبيتى انك تقومى بمعركه انتى وهو
لازم تجهزى نفسك من كل النواحى
1. اللبس:لازم تلبسى تريننج عشان يسهل الجرى
2.الشوشه لازم تلميها
واليوم ده يا ريت تكونى حنه على راسك
علشان ميتجرئش يلمس شعرك
3.مفتاح الاوضه لان الاحتياط واجب

اذا بدات المعركه اوعى تبينى انك خايفه
واول مايده تطول
اوعى تستسلمى واديله
طرااااااااااااااااخ
بالبوكس فى عينه علشان مايشفش ادامه
وحطى رجلك قدامه
وعلى طوووووووووووول
على اوضتك اللى مجهزه مفتاحها قبل كده
بس نصيحه اقعدى يومين لايشوفك ولا تشوفيه
لانه عايز ينتقم لكرامته
وممكن يوريك النجوم فى عز الظهر



منقول


التوقيع:الحزن دوله لايعيش فيها سوى الدموع